Qazaqstan Prezidenti Qasym-Jomart Toqaev Oral transformator zaýytyna bardy, dep habarlaidy "Ult aqparat" Aqordaǵa silteme jasap.
Memleket basshysy Indýstriialdyq-innovatsiialyq damý memlekettik baǵdarlamasy aiasynda iske qosylǵan Oral transformator zaýytynda boldy. Óndiris oshaǵy jylyna 10 myń dana transformator shyǵarýǵa qaýqarly.
200-ge jýyq adamdy jumyspen qamtyp otyrǵan óndiris orny jergilikti oqý oryndarymen yntymyqtasa jumys istep keledi. Tehnikalyq mamandyqtar boiynsha dýaldy oqytý negizinde bilim alatyn stýdentter zaýytpen tyǵyz bailanys jasaidy.
Sonymen qatar, Memleket basshysyna óńirdegi jihaz, azyq-túlik, qurylys jáne jeńil ónerkásip oryndarynyń jumystary tanystyryldy.
– «Qarapaiym zattar ekonomikasy» baǵdarlamasyna kásipkerlerdi tartý arqyly ekonomikany ártaraptandyrý jumystaryn jalǵastyrý kerek. Bul másele boiynsha Úkimet belsendi jumys isteýde. Jergilikti ákimdik te osy baǵdarlama arqyly óndiristerdi ulǵaitýdy oilastyrýy qajet, – dedi Qasym-Jomart Toqaev.
