Foto: Aqorda
Qasym-Jomart Toqaevqa ekonomikalyq ósimdi qamtamasyz etý jáne áleýmettik saiasatty jetildirý boiynsha tapsyrmalarynyń oryndalý barysy týraly baiandaldy, dep habarlaidy Ult.kz Aqordanyń resmi saityna silteme jasap.
Oljas Bektenovtiń aitýynsha, biylǵy qańtar-qarasha ailarynda jalpy ishki ónimniń ósimi 4,4 paiyzdy quraǵan. Ekonomikany ártaraptandyrý aiasynda aýyl sharýashylyǵy (13,4 paiyz), qurylys (10,3 paiyz), saýda (8,2 paiyz), kólik (8,1 paiyz), óńdeý ónerkásibi (5,3 paiyz), sonyń ishinde metallýrgiia (7,2 paiyz) jáne mashina jasaý (6,9 paiyz), himiia ónerkásibi (8,4 paiyz), sondai-aq aqparat jáne bailanys (5,3 paiyz) salalarynda ósim baiqalǵan.
Biyl ekonomikanyń ósimine munaidan tys salalardyń damýy esebinen qol jetkizildi. Soǵan qaramastan munaidy igerýdiń boljamdy kórsetkishiniń oryndalmaýy ekonomika damýynyń jalpy qarqynyna áser etti.
Memleket basshysyna otandyq óndirýshilerdi qoldaý jáne tereń óńdeýdi yntalandyrý boiynsha qabyldanǵan sharalardyń nátijesi jóninde málimet berildi. Atap aitqanda, óńdelgen taýar eksporty 10,2 paiyzǵa ósip, 23,3 milliard dollarǵa jetken. Taýar importynyń kórsetkishi 3,3 paiyzǵa kemigen.
Negizgi kapitalǵa salynǵan investitsiia kólemi 3,1 paiyzǵa ulǵaiǵan. Bul oraida shikizattyq emes salalarda aitarlyqtai ósim bar.
Prezidentke iskerlik belsendilikti odan ári arttyrý jáne aimaqtardaǵy ómir súrý sapasyn jaqsartý boiynsha jumystardy kúsheitý jospary tanystyryldy.
Kezdesý sońynda Qasym-Jomart Toqaev óńdeý ónerkásibi, aýyl sharýashylyǵy, qurylys jáne kólik salalaryndaǵy oń dinamikany saqtaý baǵytyndaǵy jumysty jalǵastyrýdy tapsyrdy. Sondai-aq investitsiia tartý, áleýmettik jáne injenerlik infraqurylymdy jańǵyrtý, import almastyrý jáne áleýmettik mańyzǵa ie azyq-túliktiń baǵasyn turaqtandyrýdy baqylaý boiynsha birqatar tapsyrma berdi.
