Memleket basshysy – Qazaqstan Qarýly Kúshteriniń Joǵarǵy Bas qolbasshysy Qasym-Jomart Toqaev Qorǵanys ministri Nurlan Ermekbaevty qabyldady, dep habarlaidy Aqorda.
Prezidentke Qarýly Kúshterdiń qazirgi jaǵdaiy men áskeri daiyndyǵyn arttyrý sharalary týraly baiandaldy.
Qasym-Jomart Toqaevqa Qazaqstan armiiasynyń zamanaýi qarý-jaraqtarmen jáne tehnikamen jabdyqtalýy, infraqurylymdyq damýy, tsifrlandyrylýy, aqparattyq qaýipsizdiktiń qamtamasyz etilýi jáne bitimgershilik bólimderdiń daiyndyǵy jóninde málimet berildi.
Nurlan Ermekbaev damyǵan memleketter armiiasynyń qurylymyna jasalǵan taldaý jumystaryn eskere otyryp, Qorǵanys ministrligi «Armiiany jańǵyrtý» jobasyn usynatynyn habarlady. Ulttyq jobanyń júzege asyrylýy armiianyń áskeri áleýetin arttyrýǵa, belgili bir dárejede áleýmettik-ekonomikalyq tiimdiligin qamtamasyz etýge zor múmkindik beredi.
Ministr Joǵarǵy Bas qolbasshynyń Áskeri maqsatqa arnalǵan aqparattyq-kommýnikatsiialyq infraqurylymnyń biryńǵai operatoryn qurý jaiynda bergen tapsyrmalarynyń oryndalý barysy týraly esep berdi. Biryńǵai operator áskerdi, resýrstardy basqarýdyń avtomattandyrylǵan júiesiniń úzdiksiz ári ornyqty jumys isteýin, sondai-aq, aqparattyq qaýipsizdik talaptaryna sai keletin aqparattyq júie men áskeri maqsatqa arnalǵan biryńǵai transporttyq ortany qamtamasyz etedi.
Memleket basshysyna beibitshilikti qoldaý operatsiialaryna qatysatyn áskeri qyzmetshilerdiń daiyndyǵy týraly aqparat berildi. Nurlan Ermekbaevtyń aitýynsha, Prezident Qasym-Jomart Toqaevtyń tapsyrmalaryn iske asyrý aiasynda BUU missiiasy baǵytyndaǵy qyzmette meilinshe suranysqa ie áskeri-meditsinalyq, injenerlik, barlaý jáne áskeri politsiia siiaqty bólimderdiń daiyndyǵy pysyqtalýda.
Kezdesý qorytyndysy boiynsha Joǵarǵy Bas qolbasshy Qarýly Kúshterdiń áskeri áleýetin arttyrýǵa jáne qazirgi syn-qaterler men qaýipterdi eskere otyryp, olardy sapaly damytýǵa, armiiany jabdyqtaýǵa, Qazaqstanda qarý-jaraqtyń birneshe túrin shyǵaratyn qorǵanys-ónerkásiptik keshenimen yqpaldastyq ornatýǵa, sondai-aq, Qarýly Kúshterdi tsifrlandyrýǵa qatysty birqatar tapsyrma berdi.
Qasym-Jomart Toqaev birlesken oqý-jattyǵý jiyndaryn ótkizý jáne poligondardy paidalaný úshin ózge elderdiń áskeri vedomstvolarymen bitimgershilik qyzmet pen halyqaralyq yntymaqtastyqty keńeitýdiń mańyzdylyǵyn atap ótti.
