Prezident Parlament Senatynyń Tóraǵasy Máýlen Áshimbaevty qabyldady, dep habarlaidy Aqordanyń baspasóz qyzmeti.
Memleket basshysyna Joǵarǵy Palatanyń biylǵy zań shyǵarý qyzmetiniń negizgi qorytyndylary týraly aqparat berildi.
Senat Spikeri Prezidenttiń Qazaqstan halqyna arnaǵan Joldaýynda aitylǵan máselelerdi iske asyrýdy qamtasyz etýge baǵyttalǵan zańdardyń qabyldanǵanyna toqtaldy.
Atap aitqanda, jańa «Ekologiialyq kodeks», «Tehnikalyq retteý týraly týraly» zań, «Qazaqstan Respýblikasynyń keibir zańnamalyq aktilerine Memleket basshysynyń «Jańa jaǵdaidaǵy Qazaqstan: is-qimyl kezeńi» atty Qazaqstan halqyna Joldaýynyń jekelegen erejelerin iske asyrý máselesi boiynsha ózgerister men tolyqtyrýlar engizý týraly» zań qabyldanǵan.
Máýlen Áshimbaev atalǵan qujattardyń barlyǵy elimizdiń áleýmet-ekonomikalyq damýyna, halqymyzdyń turmys sapasyn arttyrýǵa baǵyttalǵanyn atap ótti.
Qasym-Jomart Toqaev aldaǵy ýaqytta elimizde saiasi jańǵyrtý jáne ekonomikalyq damý baǵdarlamalarynyń jalǵasatynyn, basqa salalar boiynsha da aýqymdy jumystardyń atqarylatynyn aityp, Senatqa atalǵan baǵyttardy zańmen qamtamasyz etýdi tapsyrdy.
