Foto: Aqorda
Kezdesý barysynda Qazaqstan men Qyrǵyzstan arasyndaǵy strategiialyq seriktestikti jan-jaqty tereńdetý máseleleri talqylandy, dep habarlaidy Ult.kz.
Qasym-Jomart Toqaev Adylbek Kasymalievti Qyrǵyz Respýblikasy Ministrler kabinetiniń tóraǵasy laýazymyna taǵaiyndalýymen quttyqtap, onyń Astanaǵa jasaǵan alǵashqy resmi sapary baýyrlas halyqtar arasyndaǵy dostyq pen odaqtastyq qatynastardy nyǵaitý turǵysynan airyqsha mańyzdy ekenine nazar aýdardy.
"Qazirgi tańda qazaq-qyrǵyz yntymaqtastyǵy qarqyndy damyp jatqanyn erekshe atap ótkim keledi. Qurmetti Sadyr Nýrgojoevich Japarovtyń Qazaqstanǵa byltyr jasaǵan resmi sapary ekijaqty yqpaldastyǵymyzdy jańa deńgeige kóterdi. Osy sátti paidalanyp, qurmetti Sadyr Nýrgojoevichke jyly lebizimdi jetkizýińizdi suraimyn", – dedi Memleket basshysy.
Foto: Aqorda
Prezidenttiń aitýynsha, eki el úkimetterine júktelgen basty mindetterdiń biri – joǵary deńgeide qol jetkizilgen ýaǵdalastyqtardyń tolyqtai júzege asyrylýyn baqylaý. Atap aitqanda, taýar ainalymynyń kólemin ulǵaitý úshin jańa múmkindikter izdeý, qazaq-qyrǵyz shekarasyndaǵy Indýstrialdy saýda-logistikalyq keshendi jedel iske qosýǵa yqpal etý, sondai-aq kólik-tranzit bailanysy úshin qolaily jaǵdai jasaý qajet.
Óz kezeginde Adylbek Kasymaliev qyrǵyz delegatsiiasyna qazaq jerinde kórsetilgen qonaqjailyqqa rizashylyǵyn bildirip, Prezident Sadyr Japarovtyń izgi sálemi men tilegin jetkizdi.
"Bizdiń Prezidentimiz baýyrlas Qazaqstanmen dostyq jáne tatý kórshilik qarym-qatynasty árdaiym arttyrýǵa zor mán berip, qoldaý bildirip keledi. Joǵary deńgeidegi kezdesýlerde qol jetkizilgen kelisimderdiń arqasynda Qyrǵyzstan men Qazaqstan arasyndaǵy saiasi, saýda-ekonomikalyq, sý-energetikalyq, mádeni-gýmanitarlyq jáne basqa da salalardaǵy yntymaqtastyq nyǵaia tústi", – dedi Qyrǵyzstan Úkimetiniń basshysy.
Adylbek Kasymaliev memleketter basshylary qoiǵan barlyq mindet qazaqstandyq áriptestermen birge muqiiat pysyqtalyp jatqanyn aitty.
Kezdesýde birlesken investitsiialyq jobalardy iske asyrý jáne sý-energetika salasyndaǵy yqpaldastyq máselelerine airyqsha mán berildi.
