Qasym-Jomart Toqaev Qoja Ahmet Iasaýi kesenesine bardy, dep habarlaidy "Ult aqparat" Aqordanyń resmi saityna silteme jasap.
Memleket basshysy Túrkistandaǵy Qoja Ahmet Iasaýi kesenesin aralaý barysynda kúmbezdiń tarihi kelbetin saqtai otyryp júrgizilgen jańartý jumystarynyń nátijelerimen tanysty.
Atap aitqanda, keseneniń jeldetkish qabattary rettelip, kúmbez etegindegi segiz qyrly qosyndyǵa gidrooqshaýlaý jumystary júrgizilgen. Sondai-aq «Áziret Sultan» memlekettik tarihi-mádeni qoryq-mýzeiiniń aýmaǵyndaǵy tarihi oryndar qaita qalpyna keltirilip, kesene aldyna týrister demalatyn qalyń baý-baqshaly alańqai salynǵan.
Prezident Qasym-Jomart Toqaevqa atqarylǵan jumystardyń barlyǵy IýNESKO-men kelise otyryp júrgizilgeni jóninde baiandaldy.
