Memleket basshysy QHA atynan Parlament Májilisine sailanatyn depýtattarǵa daýys berý rásimine qatysty, dep habarlaidy "Ult aqparat".
Aita keteiik, Nur-Sultan qalasyndaǵy Beibitshilik jáne kelisim saraiynda Qazaqstan halqy Assambleiasynan usynylǵan Qazaqstan Respýblikasy Parlamenti Májilisiniń depýtattaryn sailaý boiynsha Qazaqstan halqy Assambleiasynyń XXVIII sessiiasy ótip jatyr.
«Qazaqstan Respýblikasyndaǵy sailaý týraly» QR Konstitýtsiialyq zańynyń 93-1-babyna sáikes sessiiada Assambleiadan sailanatyn Qazaqstan Respýblikasy Parlamenti Májilisiniń depýtattyǵyna QHA Keńesi usynǵan úmitkerlerge daýys beriledi. Oǵan QHA músheleriniń qatysýy eskerilgen.
Sessiia jumysyna elimizdiń barlyq óńirinen respýblikalyq jáne óńirlik etnomádeni birlestikter, qoǵam qairatkerleri, ǵylymi jáne shyǵarmashylyq ziialy qaýymnan quralǵan QHA músheleriniń delegatsiialary, sondai-aq Qazaqstan Respýblikasynda akkreditatsiiadan ótken halyqaralyq baiqaýshylar men BAQ ókilderi qatysyp jatyr.
QHA-nyń XXVIII sessiiasynyń sońynda Nur-Sultan qalalyq sailaý Qazaqstan halqy Assambleiasynan sailanatyn Qazaqstan Respýblikasy Parlamenti Májilisi depýtattaryn sailaý qorytyndylaryn Ortalyq sailaý komissiiasy shyǵarady.
Buǵan deiin Elbasy Nursultan Nazarbaev, Úkimet basshysy Asqar Mamin, QR Premer-Ministriniń orynbasary Eraly Toǵjanov, Senat tóraǵasy Máýlen Áshimbaev, sondai-aq ministrler daýys berdi.
2020 jyldyń 24 jeltoqsanda QR Ortalyq sailaý komissiiasy Májiliske QHA atynan sailaýǵa túsetin 9 depýtatty tirkegen edi.
