Qazaqstan Respýblikasynyń Prezidenti Nursultan Nazarbaev qazaqstandyqtardy Qurban ait merekesimen quttyqtady, dep habarlaidy Aqordanyń baspasóz qyzmeti.
«Barshańyzdy qasterli Qurban ait merekesimen shyn júrekten quttyqtaimyn!
Qurban ait - islamdy jaqsylyqtyń, jasampazdyq pen úilesimdiktiń dini ekenin pash etip, kúlli musylman qaýymyn beibitshilik pen tatýlyqqa, ózara túsinistikke shaqyratyn qasietti meiram.
Sondai-aq, ol - dini mereke ǵana emes, barsha adamzatty bir-birine kómek qolyn sozýǵa úndep, baýyrmaldyqqa baýlityn úlken rýhani qundylyq.
Bul kúnderi adamdar jaqyndaryna aq tilekterin arnap, igi ister jasaýǵa umtylady.
Qurban ait alýan túrli konfessiialar men etnos ókilderi turatyn Qazaqstanda azamattardyń boiyna izgilik nárin seýip, olardyń ustanatyn dini men ultyna qaramastan, bir-birin qadirlei bilýge zor yqpal etedi. Sondai-aq, rýhani tutastyǵymyzdy nyǵaityp, birligimizdi bekite túsedi.
Osynaý jarqyn merekede árbir shańyraqqa baqyt, beibit ómir men bereke-birlik tileimin!
Qasietti meiramda shalǵan qurbandyqtaryńyz ben izgi nietterińiz saýaptan jazylsyn!
Ait qabyl bolsyn!», - delingen Elbasynyń quttyqtaýynda.
.jpeg)