Memleket basshysy Qasym-Jomart Toqaev otandastaryn Qazaqstan halqynyń birligi kúnimen quttyqtady, dep habarlaidy Aqorda.
***
Qurmetti otandastar!
Barshańyzdy Qazaqstan halqynyń birligi kúnimen shyn júrekten quttyqtaimyn!
Tuńǵysh Prezidentimiz – Elbasy Nursultan Nazarbaevtyń bastamasymen belgilengen bul mereke ǵasyrlar boiy qazaq jerinde berik ornyqqan dostyq pen aýyzbirshilik, ózara qurmet pen senim siiaqty qasterli qundylyqtarǵa negizdelgen.
Táýelsizdik kezeńinde negizi qalanǵan «áralýandyǵymyz – birlikte» qaǵidaty Qazaqstannyń san qyrly mádenieti men dástúrin baǵa jetpes bailyǵymyzǵa ainaldyrdy. Yrys-yntymaq pen otanshyldyq rýh ulttyq kodymyzdyń uiytqysy bolyp otyr.
Halqymyzdyń ádiletti ári damyǵan memleket quryp, elimizdi órkendetý jolyndaǵy múddesi ortaq.
Biz qoǵamdaǵy turaqtylyq pen kelisimniń, ózara qoldaý men jasampaz eńbektiń arqasynda kez-kelgen qiyndyqty eńserip, kózdegen maqsatymyzǵa jetemiz.
Sizderge zor densaýlyq, baq-bereke tileimin!
Ár shańyraqta tatýlyq pen ózara túsinistik bolsyn!
