Memleket basshysy Qasym-Jomart Toqaev qazaqstandyqtardy Alǵys aitý kúnimen quttyqtady, dep habarlaidy "Ult aqparat" Aqordanyń baspasóz qyzmetine silteme jasap.
***
Memleket basshysy Qasym-Jomart Toqaevtyń Alǵys aitý kúnimen quttyqtaýy
Qurmetti otandastar!
Sizderdi Alǵys aitý kúnimen quttyqtaimyn!
Bul – bereke-birligimizdi bekemdei túsetin mereke. Osy kúni elimizdiń azamattary bir-birine erekshe iltipat kórsetip, rizashylyǵyn bildiredi. Sondai-aq tatýlyq, yntymaq, dostyq syndy qasterli qundylyqtar jan-jaqty dáripteledi. Munyń bári ultty uiystyrýdyń utymdy joly ekeni sózsiz.
Halqymyzdyń ýaqyt synynan ótken janashyrlyq, qamqorlyq, meiirimdilik siiaqty asyl qasietteri, ásirese qiyn-qystaý kezderde aiqyn kórinedi.
Búginde memleketimizde aýqymdy ózgerister bolyp, Ádiletti Qazaqstandy qurý jolynda naqty qadamdar jasalyp jatyr. Osyndai syndarly sátte eldik múddeni bárinen biik qoiyp, yrys-yntymaǵymyzdy saqtaý óte mańyzdy.
Biz ozyq oily ult retinde kózdegen barlyq biik maqsattarǵa qol jetkizetinimizge kámil senemin.
Osy oraida tynymsyz ter tógip, Qazaqstandy kórkeitýge óz úlesin qosyp júrgen azamattarǵa alǵys aitamyn.
Barshańyzǵa baq-bereke jáne mol igilik tileimin!
Elimiz aman, jurtymyz tynysh bolsyn!
