Foto: Aqorda
Qazaqstan halqyn Oraza ait merekesimen quttyqtady, dep habarlaidy Aqordanyń baspasóz qyzmeti. Ult.kz oqyrman nazaryna quttyqtaýdyń tolyq mátinin usynady.
Qadirli otandastar!
Barshańyzdy Oraza ait meiramymen quttyqtaimyn!
Bul – musylman qaýymynyń erekshe yqylaspen qarsy alatyn ulyq merekesi.
Qasietti Ramazan aiynda jurt adamgershilik qundylyqtarǵa basa mán beredi, rýhani tazarýǵa umtylady. Muqtaj jandarǵa qol ushyn sozyp, ainalasyna qaiyrymdylyq kórsetedi. Otyz kún orazadaǵy sabyr men qanaǵatqa negizdelgen igi amaldyń bári Ait merekesiniń shynaiy bolmysyn aishyqtai túsedi.
Ata dinimiz adamzatty tatýlyq pen tynyshtyqqa, qamqorlyq pen meiirimdilikke, janashyrlyq pen jasampazdyqqa úndeidi. Adal eńbek etip, adal tabys tabýǵa shaqyrady. Munyń barlyǵy, túptep kelgende, búkil elimizdiń yrysty yntymaǵyn arttyrýǵa yqpal etedi.
Halqymyzdyń salt-dástúri Islam dininiń, Ramazan aiynyń jáne Ait meiramynyń ulaǵatymen ushtasyp jatyr. Bul sabaqtastyq berekeli birligimizdi nyǵaityp, ádiletti qoǵam qurý jolynda mańyzdy ról atqarady.
Elimiz aman, jurtymyz tynysh bolsyn!
Ár shańyraqqa baq-bereke jáne tolaǵai tabys tileimin!
Ait qabyl bolsyn, aǵaiyn!
