Foto: Aqorda
Prezident Qasym-Jomart Toqaev Óńirlik ekologiialyq sammittiń plenarlyq otyrysynda sóilegen sózinde Kaspii teńiziniń ekologiialyq jaǵdaiyna alańdaýshylyq bildirip, halyqaralyq qaýymdastyqty birlesken áreketke shaqyrdy, dep habarlaidy Ult.kz.
Memleket basshysy teńizdi qorǵaý aimaqtaǵy ekologiialyq tepe-teńdikti saqtaýda jáne ornyqty damýdy qamtamasyz etýde asa mańyzdy ekenin atap ótti.
Prezidenttiń aitýynsha, Qazaqstan Kaspii teńiziniń tartylýyna jol bermeý úshin birqatar bastama kóterip otyr. Atap aitqanda, memleketaralyq baǵdarlama qabyldaý usynylǵan, sondai-aq Kaspii teńizi ǵylymi-zertteý institýtyn qurý bastamasy kóterilgen.
Bul institýt óńirlik deńgeide ǵylymi yntymaqtastyqty damytýǵa jáne teńiz ekojúiesin zertteýge múmkindik beredi.
«Barsha múddeli halyqaralyq taraptardy tabiǵattyń osy asyl qazynasyn saqtaý jolynda kúsh-jiger biriktirýge shaqyramyz», — dedi Qasym-Jomart Toqaev.
Sonymen qatar Memleket basshysy Kaspii mańynda qarýly kúshterdi qoldanýǵa jol bermeý kerektigin atap ótip, bul baǵytta qatań tyiym bolýy tiis ekenin jetkizdi.
