Qazaqstan Respýblikasynyń Prezidenti Nursultan Nazarbaevtyń Ókimderimen elimizdiń áskeri salasyndaǵy birneshe qolbasshy qyzmetinen bosatyldy, dep habarlaidy Aqordanyń baspasóz qyzmeti.
Memleket basshysynyń Ókimderimen:
Qaidar Sámiǵululy Qaraqulov Qazaqstan Respýblikasy Qarýly Kúshteriniń Qurlyq áskerleri Desanttyq-shabýyldaý áskerleriniń qolbasshysy bolyp taǵaiyndaldy, ol «Astana» óńirlik qolbasshylyǵy áskerleriniń qolbasshysy qyzmetinen bosatyldy;
Dýlat Temirǵaliuly Adyrbekov «Astana» óńirlik qolbasshylyǵy áskerleriniń qolbasshysy qyzmetine;
Asqar Ahmetuly Jolamanov Qazaqstan Respýblikasy Qarýly Kúshteri Qurlyq áskerleriniń Zymyran áskerleri men artilleriiasynyń qolbasshysy qyzmetine;
Sáken Mansuruly Bekjanov Qazaqstan Respýblikasynyń Qarýly Kúshteri Áskeri-teńiz kúshteriniń bas qolbasshysy qyzmetine taǵaiyndaldy.
Sonymen qatar, QR Prezidenti Nursultan Nazarbaevtyń Ókimderimen basqa jumysqa aýysýlaryna bailanysty:
Almaz Djenishevich Djýmakeev Qazaqstan Respýblikasy Qarýly Kúshteriniń Qurlyq áskerleri Desanttyq-shabýyldaý áskerleriniń qolbasshysy qyzmetinen;
Lut Sapýuly Álshekenov Qazaqstan Respýblikasy Qarýly Kúshteri Zymyran áskerleri men artilleriiasynyń qolbasshysy – Qurlyq áskerleri bas qolbasshysynyń oq atýmen zaqymdaý jónindegi orynbasary qyzmetinen;
Jandarbek Sádýuly Janzaqov Qazaqstan Respýblikasynyń Qarýly Kúshteri Áskeri-teńiz kúshteriniń bas qolbasshysy qyzmetinen bosatyldy.
