Nursultan Nazarbaev ispan sáýletshisi Santiago Kalatravamen kezdesti, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda Santiago Kalatrava Memleket basshysyna Qazaqstanǵa kelip, elordanyń sáýlet nysandarymen jaqynyraq tanysýǵa múmkindik týǵyzǵany úshin alǵys aitty
Qazaqstan Prezidenti Astana biregei sáýletimen jáne ómir súrý úshin jasalǵan qolailylyǵymen ǵana emes, sondai-aq qaitalanbas atmosferasymen erekshelenetinin atap ótti.
– Elordada turǵysy keletin adamdardyń sany artyp keledi. Qala halqynyń sany bir millionǵa jaqyndady. Kelesi jyly biz Astananyń 20 jyldyǵyn atap ótetin bolamyz, – dedi Nursultan Nazarbaev.
Aita keteiik, tanymal ispan sáýletshisi jáne músinshisi Santiago Kalatrava álemniń túrli elderindegi kóptegen fýtýristik nysandardyń avtory bolyp sanalady.
.jpeg)