Foto: Aqorda
Astanada ótip jatqan Óńirlik ekologiialyq sammit aiasynda Qasym-Jomart Toqaev Mihail Kavelashvilimen kezdesti, dep habarlaidy Ult.kz.
Taraptar qazaq-grýzin qarym-qatynasynyń qazirgi jai-kúii men damý perspektivasyn qarastyrdy.
Memleket basshysy Grýziia Qazaqstannyń Ońtústik Kavkazdaǵy mańyzdy ári senimdi seriktesi sanalatynyn atap ótip, ózara yqpaldastyqqa tyń serpin berýge daiyn ekenin rastady.
Prezidentter yntymaqtastyqtyń qarqyn alǵanyna mán berip, saýda-ekonomikalyq bailanystardy arttyrý qajettigin aitty.
Kezdesýde birlesken infraqurylymdyq jáne investitsiialyq jobalardy júzege asyrý, isker ortanyń aiasyn keńeitý, sondai-aq eki eldiń kólik-tranzit áleýetin tiimdi paidalaný máseleleri pysyqtaldy.
Qasym-Jomart Toqaev pen Mihail Kavelashvili jahandyq jáne óńirlik kún tártibi jóninde pikir almasty.
