Prezident Qasym-Jomart Toqaev Almaty oblysyna jumys sapary barysynda G4 City jobasymen tanysty, dep habarlaidy "Ult aqparat" Aqordanyń resmi saityna silteme jasap.
Almaty – Qonaev avtomagistraliniń boiynda ornalasatyn G4 City jobasy aiasynda Gate District, Golden District, Growing District jáne Green District atty tórt zamanaýi aýdan salynady.
Gate Distrtict aýdany - qarjylyq-iskerlik klasteri, Golden District aýdany bilim berý jáne meditsinalyq klaster retinde damidy. Al eksportqa beiimdelgen saýda-logistika jáne innovatsiialyq-indýstriialyq ónerkásip nysandary Growing District aýdanyna shoǵyrlanady. Green District mádeniet jáne demalys aýdanynda kýrorttyq keshen, gembling indýstriia nysandary men arnaýly parkter ornalasady.
Damý perspektivasy boiynsha G4 City 2,2 millionǵa deiin halyq mekendeitin integratsiialanǵan qala retinde damidy. Sheteldik investorlardy belsendi tartý maqsatynda qalada arnaiy ekonomikalyq aimaqtar qurý, jańa halyqaralyq áýejai salý qarastyrylǵan.
