Memleket basshysy Azyq-túlik qaýipsizdigi jónindegi jahandyq sammit aiasynda Eýropalyq Keńestiń prezidenti Sharl Mishelmen kezdesti, dep habarlaidy "Ult aqparat" Aqordanyń resmi saityna silteme jasap.
Taraptar saiasi dialogty damytýǵa, saýda-ekonomikalyq yntymaqtastyqty keńeitýge erekshe nazar aýdara otyryp, Qazaqstan men Eýropalyq Odaq arasyndaǵy strategiialyq áriptestikti nyǵaitý perspektivalaryn talqylady.
Qasym-Jomart Toqaev pen Sharl Mishel Qazaqstan Prezidentiniń 2021 jylǵy qarasha aiynda Briýsselge resmi saparynyń qorytyndysy boiynsha qol jetkizilgen ýaǵdalastyqtardy iske asyrýdyń barysyna kóńilderi tolatynyn atap ótti.
Memleket basshysy Sharl Misheldi Qazaqstanda júzege asyrylyp jatqan aýqymdy saiasi jáne ekonomikalyq reformalar týraly habardar etti.
Qasym-Jomart Toqaev pen Eýropalyq Keńestiń Prezidenti turaqty bailanys ornatýǵa kelisti.
Qazaqstan Prezidenti kezdesý sońynda Sharl Misheldi elimizge saparmen kelýge shaqyrdy.
