QR Prezidenti Qasym-Jomart Toqaev Eýropalyq keńes Prezidenti Sharl Mishelmen kelissóz júrgizdi, dep habarlaidy "Ult aqparat" Aqordaǵa silteme jasap.
Qasym-Jomart Toqaev pen Sharl Mishel Keńeitilgen seriktestik jáne yntymaqtastyq týraly kelisimniń tiimdi júzege asyrylýyna basa mán bere otyryp, Qazaqstan men EýroOdaq arasyndaǵy strategiialyq seriktestiktiń qazirgi jaǵdaiy men perspektivalaryn jan-jaqty talqylady.
Kezdesý barysynda saiasi, saýda-ekonomikalyq, investitsiialyq salalar boiynsha yqpaldastyqty keńeitýge erekshe nazar aýdaryldy. Sonymen qatar koronavirýs pandemiiasyna qarsy kúreske, onyń ishinde vaktsinalardy jáne vaktsinatsiia pasporttaryn ózara moiyndaýǵa qatysty ózekti máseleler sóz boldy.
Budan bólek taraptar halyqaralyq jáne óńiraralyq kún tártibin, onyń ishinde Aýǵanstandaǵy jaǵdaidy jáne osy elge gýmanitarlyq kómek kórsetý úshin kúsh jumyldyrý máselesin talqylady.
Qasym-Jomart Toqaev Sharl Misheldiń Eýropalyq keńes prezidenti laýazymyndaǵy kóshbasshylyǵyn joǵary baǵalap, Qazaqstanmen yntymaqtastyqqa baǵyttalǵan ashyq ári konstrýktivti ustanymyna rizashylyq bildirdi.
Memleket basshysy sońǵy 30 jylda Qazaqstan men EýroOdaq arasynda ózara senimge, qurmetke jáne ortaq basymdyqtarǵa negizdelgen berik qatynas ornaǵanyn atap ótti.
Taraptar 29 baǵyt boiynsha yqpaldastyqtyń quqyqtyq negizin qalyptastyratyn Keńeitilgen seriktestik jáne yntymaqtastyq týraly kelisimdi tolyq iske asyrýdyń mańyzdylyǵyn atap ótti. EýroOdaqtyń Ortalyq Aziia boiynsha jańa strategiiasynyń, sondai-aq EýroOdaq – Ortalyq Aziia baǵytyndaǵy belsendi dialogtyń tiimdi júzege asyrylý barysyna oń baǵa berildi.
Qasym-Jomart Toqaev saýda-ekonomikalyq jáne investitsiialyq bailanystardyń qarqyndy damyp kele jatqanyn aitty. Memleket basshysynyń aitýynsha, EýroOdaq – Qazaqstan ekonomikasyna jalpy 160 milliard AQSh dollary kóleminde investitsiia quiǵan eń iri investor. Al Qazaqstan – EýroOdaqtyń Ortalyq Aziia aimaǵyndaǵy eń iri saýda seriktesi. Ózara saýda ainalymy 24 milliard dollarǵa jetken.
Kezdesýde Memleket basshysy Ortalyq Aziiadaǵy sý resýrstary máselesine toqtalyp, aimaqtaǵy memleketterdiń gidroenergetika, irrigatsiia jáne qorshaǵan ortany qorǵaý salasyndaǵy mańyzdy múddelerin teńestirýge baǵyttalǵan Halyqaralyq sý-energetikalyq konsortsiým qurý qajet ekenin atap ótti. Osyǵan bailanysty Prezident eýropalyq seriktesterdi Qazaqstannyń bastamasyn júzege asyrýǵa úles qosýǵa shaqyrdy.
Sonymen qatar Qazaqstan Prezidenti EýroOdaq júzege asyryp jatqan eýropalyq «jasyl kelisim» ataýymen belgili jańa ekologiialyq damý modeline toqtaldy. Osy rette Qasym-Jomart Toqaev senimdi ári turaqty túrde shikizatqa qoljetimdilikti, sondai-aq elimizdiń akkýmýliatorlyq qun tizbegine birigýin qamtamasyz etý arqyly Eýropalyq shikizat aliansymen jáne Eýropalyq akkýmýliatorlyq alianspen aradaǵy seriktestikti jolǵa qoiýǵa daiyn ekenin jetkizdi.
Kezdesý sońynda Memleket basshysy Sharl Misheldi Qazaqstanǵa saparmen kelýge shaqyrdy.
