Elbasy Energetika ministri Qanat Bozymbaevty qabyldady, dep habarlaidy "Ult aqparat" Aqordaǵa silteme jasap.
Kezdesýde Memleket basshysyna Qaýipsizdik keńesiniń biylǵy 7 qarashadaǵy otyrysynda berilgen tapsyrmalardyń oryndalý barysy týraly baiandaldy.
– Ministrlik osy jyldy barlyq baǵyttar, sonyń ishinde munai óndirý, elektr energiiasy, balamaly energiia kózderi, geologiialyq barlaý salalary jáne iri investorlarmen jumys júrgizý máselesi boiynsha jaqsy kórsetkishtermen aiaqtaǵaly otyr, – dedi Qazaqstan Prezidenti.
Nursultan Nazarbaev tarifterge baqylaý júrgizý jaýapkershiligi tek Energetika ministrligine emes, sondai-aq Ulttyq ekonomika ministrligine de júktelgenin atap ótti.
– Tarifterge qatysty syn aityldy. Oǵan Energetika ministrligi ǵana jaýapty emes. Elektr energiiasy kózi men ony tasymaldaýǵa Energetika ministrligi jaýap beredi, al ony qaita bólý men tutynýshylarǵa jetkizý isin baqylaýdy Monopoliiaǵa qarsy komitet júzege asyrady, – dedi Memleket basshysy.
Qazaqstan Prezidenti energetikalyq qyzmet kórsetý naryǵyndaǵy tarifterdi qalyptastyrý jáne baqylaý úderisinde Úkimettiń basty ról atqaratynyn atap ótti.
– Jyl saiyn Energetika ministrligi Úkimet otyrysynda tarifterdi tómendetý qajettigi jóninde baiandap keldi. Bul máseleler boiynsha Premer-Ministr men Úkimet sharalar qabyldamady. Osy salada tártip ornatýdy bárine tapsyramyn. Jaýapty vedomstvolardyń bári ministrliktiń qaramaǵynda bolýǵa tiis nemese Úkimet bul úderisti ózi úilestirgeni jón, – dedi Nursultan Nazarbaev.
Q.Bozymbaev Memleket basshysyna stantsiialarda elektr energiiasyn óndirýdiń shekti tarifterin bekitý úshin atqarylǵan jumystardyń nátijeleri jóninde málimdedi.
– Jeltoqsan aiynyń birinshi onkúndiginde saýda básekesi ótkiziledi. Sonyń nátijesinde qýattylyq tarifi anyqtalady. Sol ýaqytta osynyń negizinde elektr energiiasynyń shekti tarifterin bekitemiz. Olar stantsiialardyń tipterine qarai ártúrli bolady. Biraq, stantsiianyń túrlerine bailanysty, ortasha eseppen alǵanda, 5 paiyzdan 20 paiyzǵa deiin tómendeitin bolady, – dedi Energetika ministri.
Kezdesý barysynda Ulttyq ekonomika ministrligi Tabiǵi monopoliialardy retteý, básekelestikti jáne tutynýshylardyń quqyǵyn qorǵaý komiteti tarapynan óńirlik stantsiialar men elektr qýatymen qamtamasyz etetin uiymdardyń tarifterin tómendetý úshin jumys júrgizý qajettigi týraly aityldy.
Kezdesý sońynda Memleket basshysy ministrliktiń elektr energiiasy naryǵyndaǵy tarifterdi retteý jónindegi tásilderin maquldap, birqatar naqty tapsyra berdi.
