Memleket basshysy Qasym-Jomart Toqaev elimizdegi sanitarlyq-epidemiologiialyq ahýal jónindegi jumys keńesinde Nur-Sultan qalasynda epiemiologiialyq jaǵdaidyń ýshyqqanyna alańdaýshylyq bildirdi, dep habarlaidy "Ult aqparat".
«Ókinishke qarai, jaǵdai jaqsaratyn emes. Kerisinshe, epidemiologiialyq ahýal nasharlap barady. Ásirese, elordadaǵy jaǵdai óte kúrdeli», - dep jazyldy Aqordanyń Twitter paraqshasynda.
Eske salsaq, Prezident Qasym-Jomart Toqaev elimizdegi sanitarlyq-epidemiologiialyq ahýal jóninde jumys keńesin ótkizip jatyr.
Jiynǵa Premer-Ministr, vedomstvolardyń basshylary, qalalar men oblystardyń ákimderi qatysýda. Memleket basshysy koronavirýs indetine qarsy kúres jónindegi sharalar týraly Úkimettiń esebin tyńdap, óńirlerdegi jalpy jaǵdaidy jaqsartýǵa jáne Qazaqstan azamattarynyń densaýlyǵyn saqtaýǵa baǵyttalǵan úilesimdi is-qimyl josparyy pysyqtaidy.
