Prezidentke Nur-Sultan qalasynyń áleýmettik-ekonomikalyq ahýaly jáne infraqurylymdyq damý barysy týraly málimet berildi, dep habarlaidy "Ult aqparat" Aqordanyń resmi saityna silteme jasap.
Qala ákiminiń pandemiiamen kúrestiń negizgi qorytyndylary týraly esebi tyńdaldy.
Onyń aitýynsha, koronavirýstyq infektsiiaǵa bailanysty bir táýliktegi jedel járdem shaqyrý 500-den 11-ge deiin, infektsiialyq statsionarlardyń júktemesi 4 myńnan 283 naýqasqa deiin azaiǵan.
Altai Kólginovtiń málimetinshe, qala kúzde bolýy yqtimal infektsiialardyń taralýyna daiyndyq jumystaryn bastap ketti. Atap aitqanda, dári-dármekterdiń qory jinaqtalyp, qajet jaǵdaida statsionarlarda qosymsha oryndar jasaqtalady. 511 ottegi kontsentratorlary qosymsha satyp alyndy, qazir jalpy 1435 apparat bar.
Qazir ókpeni jasandy tynystandyratyn 414 apparat bar. Sondai-aq, 600-den astam floýmetrler, 500 arnaiy tósek oryndar satyp alyndy. Jedel járdem stantsiialary 24 jańa kóliktermen qamtamasyz etiledi.
Kezdesýde jańa oqý jylyna daiyndyq jumystary da sóz boldy. Qala ákimi Memleket basshysyna biyl 20 myń oqýshyǵa arnalǵan 12 mektep paidalanýǵa beriletinin aitty. Az qamtylǵan otbasylardan shyqqan balalarǵa 34 500 kompiýter, mektep kiimi jáne oqýshynyń qural-jabdyqtary beriledi.
Prezident Qasym-Jomart Toqaev qalany odan ári damytýǵa qatysty birqatar tapsyrma berdi. Atap aitqanda, Memleket basshysy úleskerlik qurylys, jańa jumys oryndaryn ashý, investitsiialardy tartý, turǵyn úilerdiń infraqurylymdaryn jańartý máselelerin sheshýdiń mańyzdylyǵyn atap ótti.
