QR Prezidenti Nursultan Nazarbaev elorda jurtshylyǵymen birge «Elbasy» kinoepopeiasynyń «Astana» atty filmin tamashalady. Halyq kópshiliktiń nazaryna búgin ǵana usynylǵan týyndy Elbasynyń shyǵarmalary jelisinde túsirilgen, dep habarlaidy "Ult aqparat".
«Elbasy joly. Astana» filminde Qazaqstan elordasynyń qalyptasý tarihy jáne ony salý úderisindegi Nursultan Nazarbaevtyń basty ról atqarǵany jóninde baiandalady. Kinokartinada 1994 jylǵy shilde aiynda el astanasyn Almatydan Aqmolaǵa kóshirý týraly qabyldanǵan mańyzdy sheshimge bailanysty oqiǵalar kórsetiledi.
Táýelsiz Qazaqstannyń jańa tarihyn qalyptastyrý, onyń ishinde elordamyz Astanany salý jolyndaǵy Tuńǵysh Prezidentimizdiń ómir joly beinelengen filmdi astanalyqtar rizashylyqpen qabyldady.
Basty rólderde Murat Ahmanov, Jan Baijanbaev, Oleg Li, Azat Seiitmetov, Asqar Iliiasov, Gúlnar Jaqypova oinaidy. QR Mádeniet jáne sport ministrliginiń tapsyrysymen týyndyny Qazaqfilm men Sataifilm kinostýdiialary túsirgen.
.jpeg)