Qazaqstan Prezidenti Nursultan Nazarbaev Eýropadaǵy qaýipsizdik jáne yntymaqtastyq uiymynyń (EQYU) Bas hatshysy Tomas Gremingermen kezdesti, dep habarlaidy "Ult aqparat" Aqordaǵa silteme jasap.
Memleket basshysy álemdik jáne dástúrli dinder kóshbasshylarynyń Astanada júzdesip otyrǵanynyń erekshe mańyzyn atap ótip, sezd jumysyna qatysqany úshin EQYU Bas hatshysyna rizashylyq bildirdi.
«2010 jyly Qazaqstannyń Eýropadaǵy qaýipsizdik jáne yntymaqtastyq uiymyna tóraǵalyq etkenin bilesiz. Biz bul uiymnyń osy ǵasyrdaǵy jalǵyz sammitin ótkizdik. Onyń nátijesi boiynsha mańyzdy deklaratsiia qabyldandy», - dedi Elbasy.
Nursultan Nazarbaev Qazaqstan men EQYU arasyndaǵy yntymaqtastyq pen kooperatsiiany odan ári damytýdyń mańyzdy ekenin aitty.
T.Greminger óńirlik qaqtyǵystardy sheshý jáne beibitshilikti nyǵaitý isindegi Qazaqstan Prezidentiniń róli men úlesin erekshe atap ótti.
