Memleket basshysy Eýropalyq qaita qurý jáne damý bankiniń prezidenti Odil Reno-Bassomen kezdesti, dep habarlaidy "Ult aqparat" Aqordanyń baspasóz qyzmetine silteme jasap.
Kezdesý barysynda elimizde infraqurylym, tranzittik tasymal, ekonomikany kómirteginen aryltý, ekonomika jáne qarjy sektory salalaryndaǵy birqatar investitsiialyq jobany júzege asyrýdyń perspektivalary talqylandy.
Sondai-aq, olar álemdik ekonomikany damytýdyń ózekti máseleleri jóninde pikir almasty.
Odil Reno-Basso Qasym-Jomart Toqaevty jalpyulttyq referendýmnyń sátti ótýimen quttyqtap, onyń nátijeleri sheteldik investorlardyń elimizge degen senimin odan ári nyǵaita túsetinin atap ótti.
Sonymen qatar, Qazaqstan ekonomikasyn damytýdyń jáne eldiń qarjy júiesin nyǵaitýdyń perspektivalary týraly kózqarasyn bildirdi.
