Foto: Aqorda
Memleket basshysy diplomattardy Qazaqstandaǵy missiialarynyń resmi túrde bastalýymen quttyqtap, olardyń ekijaqty yntymaqtastyqty damytýǵa eleýli úles qosatynyna senim bildirdi, dep habarlaidy Ult.kz.
Prezident elimizde aýqymdy reformalar iske asyrylyp jatqanyna toqtaldy.
"15 naýryzda jańa, mazmuny jaǵynan progressivti Konstitýtsiia qabyldaý boiynsha referendým ótti. Biz «Zań men tártip» qaǵidatyna negizdelgen Ádiletti Qazaqstandy quryp jatyrmyz. Bilim, innovatsiia jáne jasandy intellektini óristetýdi maqsat etken memleket bolýdy kózdeimiz. Biyl elimizde Tsifrlandyrý jáne jasandy intellekt jyly dep jariialandy. Osy asa mańyzdy salada jetistikke jetý úshin barlyq jaǵdaidy jasaimyz", – dedi Prezident.
Qasym-Jomart Toqaev Qazaqstan barlyq eldermen konstrýktivti ári ózara tiimdi qarym-qatynas ornatýǵa baǵyttalǵan beibit jáne teńgerimdi syrtqy saiasat júrgizetinin atap ótti.
"Qazaqstanda elderińizdiń múddesine sai keletin múmkindik mol ekenine senimdimin. Kelesi aptanyń jumys kestesi óte tyǵyz bolmaq. Mońǵoliia Prezidenti saparmen keledi. Astanada BUU aiasynda Óńirlik ekologiialyq sammit uiymdastyrylady. Sondai-aq Halyqaralyq Araldy qutqarý qoryna múshe memleketter basshylary keńesiniń otyrysyn ótkizemiz. Elimizdegi ýaqiǵalardy muqiiat saralap, ózara yntymaqtastyqty nyǵaitýǵa airyqsha úles qosasyzdar dep úmittenemin. Bizdiń maqsatymyz – ashyq naryqtyq ekonomikany damytý. Shetelden investitsiia kelýine múddelimiz. Qazaqstan basty halyqaralyq qarjy institýttarymen jáne uiymdarmen tyǵyz bailanys ornatqan", – dedi Memleket basshysy.
Is-shara sońynda Qasym-Jomart Toqaev elshilerge tabys tilep, olardyń memleketter basshylaryna izgi sálemin joldady.
