Memleket basshysy Qazaqstannyń eńbek sińirgen sport sheberi Denis Tenniń qaiǵyly qazaǵa ushyraýyna bailanysty onyń otbasyna kóńil aitty. Bul týraly Aqordanyń baspasóz qyzmetinen málim etti, dep habarlaidy "Ult aqparat".
«Qazaqstannyń belgili sportshysy, 2014 jylǵy qysqy Olimpiada oiyndarynyń qola júldegeri Denis Iýrevich Tenniń qaiǵyly qazaǵa ushyraǵany týraly habardy zor kúizelispen qabyldadym. Orny tolmas qazaǵa bailanysty kóńil aitamyn.
Denis Ten mánerlep syrǵanaýdyń otandyq mektebin qalyptastyrýǵa jáne damytýǵa, Qazaqstan sportyn joǵary deńgeide ilgeriletýge zor úles qosty. Onyń jarqyn jetistikteri elimizdiń abyroiyn asqaqtatyp, jastar arasynda sportty dáripteýge septigin tigizdi.
Talanty álemniń kóptegen elderinde moiyndalǵan Denis dańqty sportshy ǵana emes, sondai-aq bitimi erekshe tulǵa, Qazaqstannyń naǵyz patrioty edi.
Denis Iýrevich Tenniń jarqyn beinesi bizdiń júregimizde máńgi saqtalady», - delingen jedelhatta.
