Memleket basshysy Aqparat jáne kommýnikatsiialar ministri Dáýren Abaevty qabyldady, - dep habarlaidy "Ult aqparat" Aqordaǵa silteme jasap.
Kezdesýde Nursultan Nazarbaevqa «Tsifrlyq Qazaqstan» memlekettik baǵdarlamasyn ázirleý barysy týraly baiandaldy.
Qazaqstan Prezidenti jahandyq básekelestiktiń artýy jaǵdaiynda ekonomikany aýqymdy túrde tsifrlandyrýdyń ózektiligin atap ótti.
– Búginde bul másele aldyńǵy orynǵa shyqty. Búkil álem osy baǵytqa qarai jyljýda. Biz de qalmaýǵa tiispiz. Bul – asa kúrdeli mindet. Barlyq vedomstvolar, ministrlikter jáne óńirler úilesimdi jumys júrgizýi kerek, – dedi Elbasy.
Aqparat jáne kommýnikatsiialar ministri Memleket basshysyna jańa baǵdarlamada kózdelgen tórt basym baǵyt jóninde aitty.
– Biz qazir baǵdarlama jobasyn barlyq múddeli tarappen birge talqyladyq. «Tsifrlyq Qazaqstan» baǵdarlamasy arqyly negizgi 4 jumys baǵyty qarastyrylady. Olar: infraqurylymdy damytý, adam kapitalyn jaqsartý, ekonomika salalaryn tsifrlandyrý jáne memlekettik qyzmet kórsetý júiesin jetildirý, – dedi D.Abaev.
Sońynda Nursultan Nazarbaev birqatar naqty tapsyrma berdi.
.jpeg)