Foto: Aqorda
Kezdesý barysynda Prezident Qasym-Jomart Toqaev Qazaqstanǵa saparmen kelgen Bas hatshyǵa rizashylyǵyn bildirdi, dep habarlaidy Ult.kz.
Memleket basshysy BUU Bas Assambleiasynyń 80-shi sessiiasy qarsańyndaǵy tyǵyz jumys kestesine qaramastan mártebeli meimannyń Almatyǵa arnaiy kelgenin atap ótti. Bul sapardyń elimiz úshin máni zor ári Uiymnyń ornyqty damý kún tártibine beiildigin kórsetedi.
Qasym-Jomart Toqaevtyń aitýynsha, Ortalyq Aziiada ornyqty damý maqsattaryna arnalǵan alǵashqy ortalyqtyń ashylýy – búkil aimaq úshin aitýly jetistik.
"Osy bastamany qoldaǵanyńyz úshin Sizge jáne Sizdiń ujymyńyzǵa ózimniń, sondai-aq Qazaqstan halqynyń atynan alǵys aitamyn. Sizdiń der kezinde qolǵa alǵan ári keleshekti oilaǵan UN80 bastamańyzdy joǵary baǵalaimyn. Qazaqstan uiymdy reformalaý jolyndaǵy is-áreketterińizdi tolyq qoldaidy. Osy rette elimizdiń Uiym qyzmetiniń negizinde jatqan mýltilateralizm, diplomatiia jáne yntymaqtastyq qaǵidattaryna árdaiym beiil ekenin taǵy da rastaimyn", – dedi Prezident.
Antoniý Gýterrish qonaqjailyq tanytqany úshin iltipatyn jetkizip, Qazaqstannyń halyqaralyq yntymaqtastyqty nyǵaitýǵa jáne ornyqty damý maqsattaryn ilgeriletýge qosqan úlesine erekshe toqtaldy.
"Qazaqstan – beibitshilik pen dialog simvoly, halyqtar arasyndaǵy altyn kópir ári kóptegen jaǵdaida ádil mámileger ekenin kórsetip keledi. Buǵan osydan ondaǵan jyl buryn iadrolyq qarýdan bas tartý týraly tarihi sheshim negiz qalady. Bul shyn máninde búkil álem úshin ónegeli is boldy. Órkenietterdiń qaqtyǵysy týraly sóz qozǵalǵanda, Qazaqstan óz tájiribesi arqyly túrli dinder jáne mádeniet ókilderi arasynda dialog pen yntymaqtastyq ornatý múmkin ekenin dáleldedi. Bul Sizdiń bastamalaryńyzdan anyq baiqalady. Sizder árdaiym álemdi aýyzbirshilik pen baýyrlastyqqa úndep kelesizder", – dedi Bas hatshy.
Kezdesýde BUU-nyń Ortalyq Aziia men Aýǵanstanǵa arnalǵan ornyqty damý maqsattary jónindegi óńirlik ortalyǵy qyzmetiniń perspektivasy, Birikken Ulttar Uiymyn reformalaý máselesi, halyqaralyq jáne óńirlik kún tártibi, sondai-aq basqa da ózekti taqyryptar talqylandy.
