فوتو: اقوردا
كەزدەسۋ بارىسىندا پرەزيدەنت قاسىم-جومارت توقاەۆ قازاقستانعا ساپارمەن كەلگەن باس حاتشىعا ريزاشىلىعىن بٸلدٸردٸ, دەپ حابارلايدى Ult.kz.
مەملەكەت باسشىسى بۇۇ باس اسسامبلەياسىنىڭ 80-شٸ سەسسيياسى قارساڭىنداعى تىعىز جۇمىس كەستەسٸنە قاراماستان مەرتەبەلٸ مەيماننىڭ الماتىعا ارنايى كەلگەنٸن اتاپ ٶتتٸ. بۇل ساپاردىڭ ەلٸمٸز ٷشٸن مەنٸ زور ەرٸ ۇيىمنىڭ ورنىقتى دامۋ كٷن تەرتٸبٸنە بەيٸلدٸگٸن كٶرسەتەدٸ.
قاسىم-جومارت توقاەۆتىڭ ايتۋىنشا, ورتالىق ازييادا ورنىقتى دامۋ ماقساتتارىنا ارنالعان العاشقى ورتالىقتىڭ اشىلۋى – بٷكٸل ايماق ٷشٸن ايتۋلى جەتٸستٸك.
"وسى باستامانى قولداعانىڭىز ٷشٸن سٸزگە جەنە سٸزدٸڭ ۇجىمىڭىزعا ٶزٸمنٸڭ, سونداي-اق قازاقستان حالقىنىڭ اتىنان العىس ايتامىن. سٸزدٸڭ دەر كەزٸندە قولعا العان ەرٸ كەلەشەكتٸ ويلاعان UN80 باستاماڭىزدى جوعارى باعالايمىن. قازاقستان ۇيىمدى رەفورمالاۋ جولىنداعى ٸس-ەرەكەتتەرٸڭٸزدٸ تولىق قولدايدى. وسى رەتتە ەلٸمٸزدٸڭ ۇيىم قىزمەتٸنٸڭ نەگٸزٸندە جاتقان مۋلتيلاتەراليزم, ديپلوماتييا جەنە ىنتىماقتاستىق قاعيداتتارىنا ەردايىم بەيٸل ەكەنٸن تاعى دا راستايمىن", – دەدٸ پرەزيدەنت.
انتونيۋ گۋتەرريش قوناقجايلىق تانىتقانى ٷشٸن ٸلتيپاتىن جەتكٸزٸپ, قازاقستاننىڭ حالىقارالىق ىنتىماقتاستىقتى نىعايتۋعا جەنە ورنىقتى دامۋ ماقساتتارىن ٸلگەرٸلەتۋگە قوسقان ٷلەسٸنە ەرەكشە توقتالدى.
"قازاقستان – بەيبٸتشٸلٸك پەن ديالوگ سيمۆولى, حالىقتار اراسىنداعى التىن كٶپٸر ەرٸ كٶپتەگەن جاعدايدا ەدٸل مەمٸلەگەر ەكەنٸن كٶرسەتٸپ كەلەدٸ. بۇعان وسىدان ونداعان جىل بۇرىن يادرولىق قارۋدان باس تارتۋ تۋرالى تاريحي شەشٸم نەگٸز قالادى. بۇل شىن مەنٸندە بٷكٸل ەلەم ٷشٸن ٶنەگەلٸ ٸس بولدى. ٶركەنيەتتەردٸڭ قاقتىعىسى تۋرالى سٶز قوزعالعاندا, قازاقستان ٶز تەجٸريبەسٸ ارقىلى تٷرلٸ دٸندەر جەنە مەدەنيەت ٶكٸلدەرٸ اراسىندا ديالوگ پەن ىنتىماقتاستىق ورناتۋ مٷمكٸن ەكەنٸن دەلەلدەدٸ. بۇل سٸزدٸڭ باستامالارىڭىزدان انىق بايقالادى. سٸزدەر ەردايىم ەلەمدٸ اۋىزبٸرشٸلٸك پەن باۋىرلاستىققا ٷندەپ كەلەسٸزدەر", – دەدٸ باس حاتشى.
كەزدەسۋدە بۇۇ-نىڭ ورتالىق ازييا مەن اۋعانستانعا ارنالعان ورنىقتى دامۋ ماقساتتارى جٶنٸندەگٸ ٶڭٸرلٸك ورتالىعى قىزمەتٸنٸڭ پەرسپەكتيۆاسى, بٸرٸككەن ۇلتتار ۇيىمىن رەفورمالاۋ مەسەلەسٸ, حالىقارالىق جەنە ٶڭٸرلٸك كٷن تەرتٸبٸ, سونداي-اق باسقا دا ٶزەكتٸ تاقىرىپتار تالقىلاندى.
