Qazaqstan Prezidenti Qasym-Jomart Toqaev «Borealis» kompaniiasy basqarmasynyń tóraǵasy Alfred Shterndi qabyldady, dep habarlaidy "Ult aqparat" Aqordaǵa silteme jasap.
Memleket basshysy «Borealis» kompaniiasymen yntymaqtastyq jasaýdyń mańyzdylyǵyn atap ótip, Qazaqstanda iri jobalardy júzege asyrýdyń máni zor ekenin aitty.
– Men ózara yqpaldastyǵymyzǵa qatysty kún tártibindegi ózekti másele jóninde, ásirese, aldaǵy ýaqytta júzege asyrylatyn Atyraý oblysyndaǵy gaz jáne himiia kesheniniń qurylysy týraly Sizben pikir almasqym keledi, – dedi Qasym-Jomart Toqaev.
Kezdesý barysynda Qazaqstan Prezidentine «Borealis» kompaniiasynyń elimizdegi negizgi jobalary men olardyń júzege asyrylý perspektivalary jóninde baiandaldy.
A.Shtern ózara yqpaldastyqtyń joǵary deńgeiin atap ótip, Qazaqstanda jumys isteýge múmkindik berip, qoldaý kórsetkeni úshin Memleket basshysyna alǵys aitty.
