Memleket basshysy «Qylmystyq ister boiynsha zattai dáleldemeler bolyp tabylatyn esirtki quraldaryn, psihotroptyq zattar men olardyń prekýrsorlaryn, atys qarýyn, onyń negizgi bólikterin, oq-dárilerdi, jarylǵysh zattar men jarǵysh qurylǵylardy berý tártibi týraly hattamany ratifikatsiialaý týraly» Qazaqstan Respýblikasynyń Zańyna qol qoidy, dep habarlaidy Aqordanyń baspasóz qyzmeti.
Sondai-aq, Memleket basshysy «Qazaqstan Respýblikasynyń Úkimeti men Halyqaralyq Qyzyl Krest Komitetiniń arasyndaǵy Qazaqstan Respýblikasyndaǵy Halyqaralyq Qyzyl Krest Komiteti Ókildiginiń mártebesi, artyqshylyqtary jáne immýnitetteri týraly kelisimdi ratifikatsiialaý týraly» Qazaqstan Respýblikasynyń Zańyna qol qoidy.
Sonymen qatar, Elbasy «Qazaqstan Respýblikasynyń Úkimeti men Resei Federatsiiasynyń Úkimeti arasyndaǵy «Týimazy - Omby - Novosibirsk-2» jáne «Omby - Pavlodar» magistraldyq munai qubyrlaryndaǵy tehnologiialyq munaidyń mártebesin aiqyndaý týraly kelisimdi ratifikatsiialaý týraly» Qazaqstan Respýblikasynyń Zańyna da qol qoidy.
Zańdardyń mátinderi baspasózde jariialanady.
.jpeg)