Bir synyptaǵy bala sany 25-ten aspaýy kerek. Bul týraly Ulttyq qoǵamdyq senim keńesiniń 6-otyrysynda Memleket basshysy Qasym-Jomart Toqaev aitty, dep habarlaidy "Ult aqparat".
«Taǵy bir másele bar. Ár synyptaǵy bala sany shekten tys kóp. Negizi, bir synyptaǵy balalardyń sany 25-ten aspaýy kerek. Osy standarttyń saqtalýyn qamtamasyz etýge tiispiz.
Sonymen qatar, mektepterdiń úlgilik jobasyn ázirleýdi tapsyramyn. Mekteptiń jalpy kólemi men dizainy oryn sanyna bailanysty anyqtalýǵa tiis.
Mektep 2500 balaǵa arnalsa, soǵan sai infraqurylym da bolýy kerek. Onda sport zaldary, ashanalar, zerthana jáne oqý kabinetteri bolýǵa tiis. Jańa mektep salýǵa bólingen qarjynyń tiimsiz jumsalýyna, talan-tarajǵa túsýine jol bermeý qajet», - dedi Qazaqstan Prezidenti.
