QR Prezidenti Qasym-Jomart Toqaev Bilim jáne ǵylym ministri Ashat Aimaǵambetovti qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Ashat Aimaǵambetov Qasym-Jomart Toqaevqa Bilim jáne ǵylym ministrliginiń jańa oqý jylyna daiyndyǵy jáne buǵan deiin berilgen tapsyrmalardyń oryndalý barysy jaiynda esep berdi.
Prezident jańa oqý jylyn durys uiymdastyrýdyń mańyzdy ekenin eskertti. Ásirese qashyqtan oqytý kezinde áleýmettik az qamtylǵan otbasylardan shyqqan balalarǵa qoldaý kórsetý qajettigine basa nazar aýdardy.
Memleket basshysy Bilim jáne ǵylym ministrine pedagogterdiń mártebesin kóterý jónindegi jumysty jalǵastyrýdy, ustazdardy negizgi qyzmetinen bólek jumysqa jumyldyrmaýdy jáne 2021 jylǵy qańtar aiyna josparlanǵan muǵalimderdiń jalaqysyn 25%-ǵa arttyrýdy qamtamasyz etýdi tapsyrdy.
Sondai-aq Qasym-Jomart Toqaev joǵary oqý oryndarynyń akademiialyq derbestigin odan ári keńeitý, joǵary bilimniń sapasyn arttyrý jáne JOO-daǵy ǵylymdy damytý týraly tapsyrma berdi.
