Prezident Mańǵystaý oblysyna jumys sapary barysynda Beket ata jerasty meshitine ziiarat etti, dep habarlaidy "Ult aqparat" Aqordanyń baspasóz qyzmetine silteme jasap.
Qasym-Jomart Toqaev tarihi orynda jergilikti aqsaqaldarmen áńgimelesip, eldik máselelerdi talqylady.
– Qasietti jerge ziiarat etý úshin arnaiy keldim. Munda 2019 jyly Prezident laýazymyna kirisken kezde kelgen edim. Búgin jurtshylyqpen kezdesip, mańyzdy máselelerdi talqyladyq. Mańǵystaý oblysynyń damýyna tyń serpin berý kerek ekenin aittym. Úkimetke tiisti tapsyrmalar berdim. Amanshylyq bolsa, keleshekte oblysta bári jaqsy bolady dep oilaimyn. Osy baǵytta júzege asyrylyp jatqan jumystardyń bári meniń baqylaýymda bolady, – dedi Memleket basshysy.
