QR Prezidenti Qasym-Jomart Toqaev Básekelestikti qorǵaý jáne damytý agenttiginiń tóraǵasy Serik Jumanǵarindi qabyldady, dep habarlaidy "Ult aqparat" Aqordaǵa silteme jasap.
Prezidentke Básekelestikti damytý jónindegi ulttyq joba jaiynda baiandaldy. Onyń quramyna eki baǵyt jáne 33 negizgi joba kiredi. Bul jobalar saýda birjasy naryǵyndaǵy, elektr energiiasy, aýylsharýalyǵy taýarlary, kólik, bailanys, IT qyzmet salalaryndaǵy kedergilerdi joiyp, onyń jalpyǵa teńdei qol jetimdi bolýyn qamtamasyz etedi.
Qasym-Jomart Toqaevqa saýda birjasy júiesiniń iske qosylǵany týraly aityldy. 2021 jyldyń 25 naýryz kúni bitýmnyń saýdasy bastalǵan. Al 31 naýryzda janar-jaǵarmai, sáýir aiynyń basynda kómir saýdaǵa túse bastaidy. Bul óz kezeginde naryqtyń ashyqtyǵyn qalyptastyryp, oǵan boljam jasaý tiimdiligin arttyra túsedi jáne naqty naryq baǵamyn alýǵa múmkindik beredi. Jaqyn arada Qazaqstan Respýblikasy Birja komitetinde Ahýal ortalyǵy jumys istei bastaidy. Memleket basshysy un naryǵynyń ereksheligin jáne onyń eksporttyq áleýetin eskere otyryp, undy birjalyq taýarlardyń tizimine qosýǵa erte dep sheshti.
Serik Jumanǵarin Memleket basshysynyń jerasty joldarynyń qol jetimdiligine taldaý júrgizý jónindegi tapsyrmasyn oryndaý barysynda vagondardy qalyptastyrýdy, temir joldardy jóndeý merzimderin retteitin qaǵidalar ázirlengenin, osy aptada monopoliiaǵa qarsy komplaens aktisi jasalatynyn, sondai-aq, barlyq joldarǵa balama tasymaldaýshylardy jiberý qamtamasyz etilgenin aitty.
Qazirgi ýaqytta Básekelestikti qorǵaý jáne damytý agenttigi «Bogatyr Kómir» jaýapkershiligi shekteýli seriktestigine, «Eir Astana» aktsionerlik qoǵamyna, «Skat» aktsionerlik qoǵamyna qatysty, sondai-aq, dárilik zattar naryǵyndaǵy monopoliiaǵa qarsy tergeýler júrgizip jatyr.
Sonymen qatar Memleket basshysy básekelestik qorǵaý jónindegi jańa zań jobasymen tanysty.
Prezident básekelestikti odan ári damytýǵa, quqyq qorǵaý organdarymen ózara is-qimyldy jaqsartýǵa, dárilik zattar men áleýmettik mańyzy bar azyq-túlik taýarlary naryqtaryn retteýge qatysty birqatar tapsyrma berdi.
