Foto: Akorda.kz
Memleket basshysy Baqytjan Ertaevty qabyldady, dep habarlaidy "Ult aqparat" Aqordanyń baspasóz qyzmetine silteme jasap.
Prezident Qasym-Jomart Toqaev kezdesý barysynda Baqytjan Ertaevtyń óskeleń urpaqqa áskeri-patriottyq tárbie berý máseleleri jónindegi oi-pikirin tyńdady.
Memleket basshysy jýyrda Túrkistanda ótken Ulttyq quryltaida Ádiletti Qazaqstannyń negizin qalaityn Adal azamat týraly oilaryn ortaǵa salǵanyn atap ótti. Budan bólek, syn saǵatta basyn qaterge tigip, janqiiarlyqpen erlik tanytqan, Otanyna adal qyzmet etken tulǵalardy jastarǵa úlgi etý jáne qarapaiym eńbek adamyn dáripteý mańyzdy ekenine nazar aýdardy.
General-leitenant Baqytjan Ertaev ózi basshylyq etetin «Tayelsiz Qazaqstannyn Halyq Batyrlary» qoǵamdyq birlestiginiń atqaryp jatqan jumystary jóninde baiandady. Sondai-aq áskerdegi tárbie isin nyǵaitý jóninde usynystaryn jetkizdi.
Prezident uiymnyń bastamalaryna memleket tarapynan qoldaý kórsetiletinin aitty. Sonymen qatar Baqytjan Ertaevtyń táýelsiz Qazaqstannyń Qarýly Kúshterin qurýǵa eleýli eńbek sińirgenin atap ótip, onyń el igiligi úshin atqaryp jatqan qoǵamdyq jumystaryna tabys tiledi.
