فوتو: Akorda.kz
مەملەكەت باسشىسى باقىتجان ەرتاەۆتى قابىلدادى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
پرەزيدەنت قاسىم-جومارت توقاەۆ كەزدەسۋ بارىسىندا باقىتجان ەرتاەۆتىڭ ٶسكەلەڭ ۇرپاققا ەسكەري-پاتريوتتىق تەربيە بەرۋ مەسەلەلەرٸ جٶنٸندەگٸ وي-پٸكٸرٸن تىڭدادى.
مەملەكەت باسشىسى جۋىردا تٷركٸستاندا ٶتكەن ۇلتتىق قۇرىلتايدا ەدٸلەتتٸ قازاقستاننىڭ نەگٸزٸن قالايتىن ادال ازامات تۋرالى ويلارىن ورتاعا سالعانىن اتاپ ٶتتٸ. بۇدان بٶلەك, سىن ساعاتتا باسىن قاتەرگە تٸگٸپ, جانقييارلىقپەن ەرلٸك تانىتقان, وتانىنا ادال قىزمەت ەتكەن تۇلعالاردى جاستارعا ٷلگٸ ەتۋ جەنە قاراپايىم ەڭبەك ادامىن دەرٸپتەۋ ماڭىزدى ەكەنٸنە نازار اۋداردى.
گەنەرال-لەيتەنانت باقىتجان ەرتاەۆ ٶزٸ باسشىلىق ەتەتٸن «Tayelsiz Qazaqstannyn Halyq Batyrlary» قوعامدىق بٸرلەستٸگٸنٸڭ اتقارىپ جاتقان جۇمىستارى جٶنٸندە باياندادى. سونداي-اق ەسكەردەگٸ تەربيە ٸسٸن نىعايتۋ جٶنٸندە ۇسىنىستارىن جەتكٸزدٸ.
پرەزيدەنت ۇيىمنىڭ باستامالارىنا مەملەكەت تاراپىنان قولداۋ كٶرسەتٸلەتٸنٸن ايتتى. سونىمەن قاتار باقىتجان ەرتاەۆتىڭ تەۋەلسٸز قازاقستاننىڭ قارۋلى كٷشتەرٸن قۇرۋعا ەلەۋلٸ ەڭبەك سٸڭٸرگەنٸن اتاپ ٶتٸپ, ونىڭ ەل يگٸلٸگٸ ٷشٸن اتقارىپ جاتقان قوعامدىق جۇمىستارىنا تابىس تٸلەدٸ.
