«رەكەتير» فيلمٸ ارقىلى كٶپشٸلٸككە تانىلعان مارقۇم اكتەر مۇرات بيسەمبيننٸڭ قىزى ەلەۋمەتتٸك جەلٸدە ەكەسٸن ساعىنىشپەن ەسكە الىپ, ونىڭ قازاسىنان كەيٸنگٸ اۋىر كٷندەرٸ تۋرالى سىر شەرتتٸ, دەپ حابارلايدى ult.kz.
اكتەردٸڭ قىزى ەكەسٸنەن ايىرىلعاننان كەيٸن قالىپتى ٶمٸرگە ورالۋ وڭاي بولماعانىن جاسىرمادى. ايتۋىنشا, وقىرماندارى ودان قايعىنى قالاي جەڭگەنٸن, ٶمٸردەن قايتا قۋانىش تابۋعا قالاي كٷش جيناعانىن جيٸ سۇرايدى. الايدا بۇل ساۋالدارعا جاۋاپ بەرۋ ٶزٸنە دە قيىنعا سوققان. ول وسى ۋاقىتقا دەيٸن جان دٷنيەسٸندەگٸ كٷيزەلٸستٸ كٶپشٸلٸككە كٶرسەتپەۋگە تىرىسقان. ەلەۋمەتتٸك جەلٸدە كٶبٸنە ٶمٸرٸنٸڭ جارقىن سەتتەرٸن بٶلٸسكەنٸمەن, ەكەسٸنە دەگەن ساعىنىشى ەلٸ دە باسىلماعان.
«ٶمٸرٸمدە مۇنداي جاعداي بولادى دەپ ەشقاشان ويلامادىم. دەنساۋلىعىنا ەرەكشە كٶڭٸل بٶلەتٸن, بٸلٸمدٸ دە اقىلدى ادامنىڭ ٶمٸردەن وسىنشالىقتى ەرتە كەتەتٸنٸ ٷش ۇيىقتاسام دا تٷسٸمە كٸرمەگەن ەدٸ», – دەپ جازدى ول.
مارقۇمنىڭ قىزى ەكەسٸنٸڭ ٶمٸرٸنٸڭ سوڭعى كٷندەرٸن دە ەسكە الدى. سول كەزدە وتباسى ونىڭ ساۋىعىپ كەتەتٸنٸنە سوڭىنا دەيٸن سەنٸپ, جاقسى جاڭالىق كٷتۋمەن بولعان.
«ەكەم كٶز الدىمىزدا بٸرتٸندەپ سٶنٸپ بارا جاتتى. مۇنى مەن تەك قازٸر عانا تٷسٸنٸپ وتىرمىن. ٶيتكەنٸ سول كەزدە بەرٸمٸز ونىڭ جازىلىپ كەتەتٸنٸنە سەندٸك. سول كٷندٸ كٷتتٸك, ٷمٸتٸمٸزدٸ ٷزبەدٸك», – دەيدٸ اكتەردٸڭ قىزى.
ونىڭ سٶزٸنشە, ەكەسٸنٸڭ قازاسىنان كەيٸن ارادا ۋاقىت ٶتسە دە, ەستەلٸكتەرگە قايتا ورالۋعا جٷرەگٸ داۋالامايدى. ەلٸ كٷنگە دەيٸن ونىڭ بەينەجازبالارىن كٶرٸپ, داۋىسىن تىڭداي المايدى. تٸپتٸ ەكەسٸنٸڭ ٶز قولىمەن سالعان سۋرەتتەرٸنە قاراۋدىڭ ٶزٸ اۋىر تيەدٸ. جازباسىندا ول ەكەسٸنٸڭ نەمەرەسٸنٸڭ دٷنيەگە كەلگەنٸن كٶرۋٸن قاتتى قالاعانىن دا جەتكٸزدٸ. سەبيدٸڭ ٶمٸرگە كەلۋٸ اكتەرگە اۋرۋمەن كٷرەسۋگە قوسىمشا كٷش بەرەر دەپ ٷمٸتتەنگەن.
«مەن ەكەمنٸڭ قىزىمىزدىڭ دٷنيەگە كەلگەنٸن كٶرگەنٸن قاتتى قالادىم. بۇل ونىڭ ٶمٸر سٷرۋگە دەگەن قۇلشىنىسىن ارتتىرىپ, ساۋىعىپ كەتۋٸنە سەبەپ بولسا ەكەن دەپ ارماندادىم. بٸراق ٶمٸر باسقاشا شەشتٸ», – دەپ جازدى ول.
ەسەرلٸ جازبا ەكەسٸنٸڭ تۋعان كٷنٸنە وراي جارييالانعان. قىزىنىڭ ايتۋىنشا, مۇرات بيسەمبين تٸرٸ بولعاندا 54 جاسقا تولار ەدٸ.
سٶز سوڭىندا ول ەكەسٸنٸڭ ەندٸ اۋىرسىنۋ مەن ازاپتان ارىلعانىنا ٷمٸت بٸلدٸرٸپ, كٶپشٸلٸكتٸ جاقىندارىنىڭ قادٸرٸن بٸلۋگە جەنە دەنساۋلىقتارىنا كٶڭٸل بٶلۋگە شاقىردى.
مۇرات بيسەمبين كٸم?
مۇرات بيسەمبين – قازاقستاندىق كينواكتەر, كٶپشٸلٸككە “رەكەتير” فيلمٸ ارقىلى تانىلعان ٶنەر يەسٸ. ول 1972 جىلى 11 قازاندا قىزىلوردا قالاسىندا دٷنيەگە كەلگەن. العاشىندا اكتەرلٸك ماماندىقتى ەمەس, تەحنيكالىق سالانى تاڭداعان. پوليتەحنيكالىق ينستيتۋتتى اۋىل شارۋاشىلىعىنىڭ ينجەنەر-مەحانيگٸ ماماندىعى بويىنشا تەمامداعان. كەيٸن ٶنەرگە بەت بۇرىپ, الماتىداعى ٶنەر اكادەميياسىندا بٸلٸم العان. ونىڭ كينوداعى العاشقى جۇمىستارىنىڭ بٸرٸ – “كاجدىي ۆزويدەت نا گولگوفۋ” تەلەحيكاياسى. الايدا اكتەرگە كەڭٸنەن تانىمال بولۋعا 2007 جىلى جارىق كٶرگەن رەجيسسەر اقان ساتاەۆتىڭ “رەكەتير” فيلمٸ جول اشتى. بۇل تۋىندىدا ول رۋسلان ەسٸمدٸ قىلمىس ەلەمٸنٸڭ ٶكٸلٸن سومدادى. كەيٸن “توميريس”, “سكاز و روزوۆوم زايتسە”, “برات يلي براك”, “رىۆوك” جەنە “كتو ۆى, گوسپودين كا?” فيلمدەرٸنە تٷستٸ. سونىمەن قاتار “13 كلينيچەسكايا” تەلەحيكاياسىنا قاتىسىپ, تٷرلٸ جانرداعى تۋىندىلاردا ٶنەر كٶرسەتتٸ. اكتەردٸڭ جۇبايى, ەكٸ ۇلى جەنە بٸر قىزى بار. 2024 جىلدىڭ كٷزٸندە وعان ۇيقى بەزٸنٸڭ قاتەرلٸ ٸسٸگٸ دياگنوزى قويىلعانى بەلگٸلٸ بولدى. اۋىر دەرتكە بايلانىستى ول بٸرقاتار شىعارماشىلىق جوبالارىن توقتاتۋعا مەجبٷر بولدى. 2025 جىلدىڭ جەلتوقسانىندا قىزى ديانا بۋلاتوۆا ەكەسٸنٸڭ ينسۋلت الىپ, اۋرۋحاناعا تٷسكەنٸن حابارلادى. مۇرات بيسەمبين 2026 جىلى 8 قاڭتاردا 53 جاسىندا ٶمٸردەن ٶتتٸ.
