Memleket basshysy Baker Hughes, a GE company prezidenti – bas atqarýshy direktory Lorentso Simonellidi qabyldady
Kezdesý barysynda Qasym-Jomart Toqaevqa ekonomikanyń túrli salasyndaǵy, sonyń ishinde mashina jasaý jáne energetika sektorlaryndaǵy birlesken investitsiialyq jobalardyń júzege asyrylýy jóninde málimet berildi.
Qazaqstan Prezidenti Sheteldik investorlar keńesine qatysqany úshin Lorentso Simonellige rizashylyq bildirip, onyń kompaniiasynyń Qazaqstanda jaqsy jumys istep jatqanyn atap ótti.
– Túrli saladaǵy tabysty is-qimyldar boiynsha mol tájiribemiz bar. Bizdiń jemisti yntymaqtastyǵymyz jalǵasa beredi dep oilaimyn, – dedi Memleket basshysy.
Lorentso Simonelli kompaniianyń Qazaqstanda jańa jobalardy belsendi júzege asyryp jatqanyn aitty.
– Ekinshi úiimdei bolyp ketken Qazaqstanǵa qaita oralý men úshin zor qýanysh. Biz óz jumysymyzda jańa salalardy ashyp jatyrmyz. Qazaqstan bizdiń kompaniianyń áleýetin tutas el aýmaǵyndaǵy infraqurylymdy damytý úshin sátti paidalanýdyń jarqyn úlgisin kórsetedi dep oilaimyn, – dedi biznesmen.
Qazaqstan Prezidenti men kompaniia basshysy keleshek yntymaqtastyqtyń perspektivalaryn talqylady.
