مەملەكەت باسشىسى Baker Hughes, a GE company پرەزيدەنتٸ – باس اتقارۋشى ديرەكتورى لورەنتسو سيمونەلليدٸ قابىلدادى
كەزدەسۋ بارىسىندا قاسىم-جومارت توقاەۆقا ەكونوميكانىڭ تٷرلٸ سالاسىنداعى, سونىڭ ٸشٸندە ماشينا جاساۋ جەنە ەنەرگەتيكا سەكتورلارىنداعى بٸرلەسكەن ينۆەستيتسييالىق جوبالاردىڭ جٷزەگە اسىرىلۋى جٶنٸندە مەلٸمەت بەرٸلدٸ.
قازاقستان پرەزيدەنتٸ شەتەلدٸك ينۆەستورلار كەڭەسٸنە قاتىسقانى ٷشٸن لورەنتسو سيمونەلليگە ريزاشىلىق بٸلدٸرٸپ, ونىڭ كومپانيياسىنىڭ قازاقستاندا جاقسى جۇمىس ٸستەپ جاتقانىن اتاپ ٶتتٸ.
– تٷرلٸ سالاداعى تابىستى ٸس-قيمىلدار بويىنشا مول تەجٸريبەمٸز بار. بٸزدٸڭ جەمٸستٸ ىنتىماقتاستىعىمىز جالعاسا بەرەدٸ دەپ ويلايمىن, – دەدٸ مەملەكەت باسشىسى.
لورەنتسو سيمونەللي كومپانييانىڭ قازاقستاندا جاڭا جوبالاردى بەلسەندٸ جٷزەگە اسىرىپ جاتقانىن ايتتى.
– ەكٸنشٸ ٷيٸمدەي بولىپ كەتكەن قازاقستانعا قايتا ورالۋ مەن ٷشٸن زور قۋانىش. بٸز ٶز جۇمىسىمىزدا جاڭا سالالاردى اشىپ جاتىرمىز. قازاقستان بٸزدٸڭ كومپانييانىڭ ەلەۋەتٸن تۇتاس ەل اۋماعىنداعى ينفراقۇرىلىمدى دامىتۋ ٷشٸن سەتتٸ پايدالانۋدىڭ جارقىن ٷلگٸسٸن كٶرسەتەدٸ دەپ ويلايمىن, – دەدٸ بيزنەسمەن.
قازاقستان پرەزيدەنتٸ مەن كومپانييا باسشىسى كەلەشەك ىنتىماقتاستىقتىڭ پەرسپەكتيۆالارىن تالقىلادى.
