Foto: Aqorda
Qasym-Jomart Toqaev Ilham Álievti týǵan kúnimen quttyqtap, onyń baýyrlas ázerbaijan halqynyń igiligi jolynda atqaryp jatqan jaýapty memlekettik qyzmetine tabys tiledi, dep habarlaidy Ult.kz.
Qazaqstan Prezidenti Ázerbaijannyń egemendigi men memlekettiligin nyǵaitýda, sondai-aq turaqty ekonomikalyq ósimdi qamtamasyz etip, eliniń halyqaralyq arenadaǵy bedelin arttyrýda Ilham Álievtiń airyqsha ról atqaratynyna toqtaldy.
Memleketter basshylary qazaq-ázerbaijan qatynastary qarqyndy damyp kele jatqanyn atap ótti. Strategiialyq seriktestik pen odaqtastyq bailanystardy odan ári nyǵaitý, saýda-ekonomikalyq jáne mádeni-gýmanitarlyq salalardaǵy yntymaqtastyqty kúsheitý perspektivasyn talqylady.
Áńgimelesý barysynda joǵary deńgeide, sonyń ishinde Ilham Álievtiń biyl 20-21 qazan kúnderi Qazaqstanǵa jasaǵan memlekettik sapary barysynda qol jetkizilgen ýaǵdalastyqtardy sapaly júzege asyrýǵa erekshe nazar aýdaryldy.
Sonymen qatar prezidentter óńirlik jáne halyqaralyq kún tártibindegi ózekti máseleler jóninde pikir almasty.
