Foto: Aqorda
«Aqorda» rezidentsiiasynda elimizge memlekettik saparmen kelgen Ázerbaijan Prezidentin resmi qarsy alý rásimi ótti, dep habarlaidy Ult.kz.
Qasym-Jomart Toqaev pen Ilham Áliev bir-birine resmi delegatsiia múshelerin tanystyrdy. Qurmet qaraýyly rotasynyń bastyǵy memleketter basshylaryna raport berdi. Budan soń eki eldiń ánurandary oryndaldy.
Osydan keiin Memleket basshysy Ázerbaijan Prezidentimen kelissóz júrgizdi.
«Qazaqstan men Ázerbaijan tek dostas elder emes, sondai-aq baýyrlas halyqtar. Sondyqtan Sizdiń elińizben san qyrly yntymaqtastyqty órkendetýge basa mán beremiz. Biz úshin Ázerbaijanmen saýda-ekonomikalyq yntymaqtastyqty jáne saiasi seriktestikti nyǵaitý – asa ózekti mindet», – dedi Memleket basshysy.
Ilham Áliev Qazaqstandy bar jaǵynan qoldaitynyn jetkizdi.
"Búginde Qazaqstan damýdyń joǵary deńgeiin kórsetip otyr. Elińizdegi qoǵamdyq-saiasi jaǵdai turaqty, ekonomikalyq damý qalypty. Siz júrgizip jatqan reformalardy zor qyzyǵýshylyqpen baqylap otyrmyz. Elińizdi jańǵyrtý men áleýetin arttyrý jolyndaǵy baǵdaryńyzdy tolyq qoldaimyz. Biz barlyq baǵyttaǵy yqpaldastyqty nyǵaitýǵa niettimiz", – dedi Ázerbaijan Prezidenti.
Memleketter basshylary saýda-ekonomika, investitsiia, aýyl sharýashylyǵy jáne kólik-tranzit salalaryndaǵy yntymaqtastyqty nyǵaitý máselesin jan-jaqty talqylady.
Sondai-aq mádeni-gýmanitarlyq yqpaldastyqqa nazar aýdardy.
