Nursultan Nazarbaev Parlament Májilisiniń depýtaty, «Aq jol» demokratiialyq partiiasy fraktsiiasynyń jetekshisi Azat Perýashevpen kezdesti, dep habarlaidy "Ult aqparat" Aqordaǵa silteme jasap.
Kezdesý barysynda Memleket basshysyna «Aq jol» demokratiialyq partiiasy men onyń Parlament Májilisindegi fraktsiiasynyń jumysy jóninde málimet berildi.
Qazaqstan Prezidenti «Aq jol» demokratiialyq partiiasynyń memlekettik saiasatty júzege asyryp, onyń negizgi basymdyqtaryn halyqqa túsindirý isindegi rólin erekshe atap ótti.
– Siz elimizdegi tájiribeli Parlament depýtattarynyń biri retinde uzaq jyldardan beri «Aq jol» partiiasyna basshylyq etip kelesiz. Partiialaryńyz naqty jumystar atqarýda. Memlekettiń júrgizip jatqan saiasatyna qoldaý bildirip, halyq birligin nyǵaitý jolynda zor úles qosyp kelesizder, – dedi Elbasy.
A.Perýashev partiia fraktsiiasynyń biylǵy Joldaýdyń negizgi baǵyttaryn oryndaý, sonyń ishinde «Biznestiń jol kartasy-2020», «Indýstriialyq-innovatsiialyq damý» baǵdarlamalaryn odan ári júzege asyrýǵa jáne otandyq biznesti qoldaý maqsatymen qabyldanatyn sharalarǵa qatysty usynystar engizý jónindegi jumystaryn atap ótti.
