Foto: Aqorda
Qasym-Jomart Toqaevqa «Myńjyldyq» alleiasynyń landshaftty damý jospary kórsetildi, dep habarlaidy Ult.kz.
Jospar qalanyń ońtústik bóligindegi 942 gektardy qamtidy. Saraishyq aýdanyndaǵy jelilik saiabaq turǵyn úiler kesheni men áleýmettik nysandar, mektepter, temir jol vokzaly, skverler, kósheler men jaiaý júrginshiler jáne velosiped joldarynyń arasyn jalǵaidy.
Astana qalasynyń ákimi Jeńis Qasymbek vokzal mańyndaǵy saiabaq aýdannyń betkeustar múiisine ainalatynyn aitty. Munda oiyn alańdary, amfiteatr jáne alleialar salý josparlanǵan.
Byltyr «Qazaq eli» alańynda aǵashtar egilip, dizainerlik qaqpaqtar ornatyldy, shamdar men basqa da sáýlettik qalyptar jańartyldy.
Biyl eń áýeli Baitursynuly, Nurmaǵambetov, Nájimedenov kósheleri men Táýelsizdik dańǵyly mańyndaǵy turǵyn úi keshenderin qamtityn jelilik saiabaqty abattandyrý jumystary bastalady.
Ákimniń aitýynsha, qala damýynda Turan dańǵylynyń batys jaǵyndaǵy GreenLine býlvary erekshe mańyzǵa ie. Shahardyń halyq tyǵyz ornalasqan aýdanymen jalǵaityn býlvarda velojoldar, balalar men sport alańqailary, tynyǵatyn demalys aýmaqtary bolady.
Atalǵan jobalar qalany damytýdyń kóportalyqty modeline sáikes júzege asyrylady. Iaǵni turǵyn úi, jumys, qyzmet kórsetý men rekreatsiia oryndary qoljetimdi ári bir-birine jaqyn bolýǵa tiis.
