Memleket basshysy «Qazatomónerkásip» ulttyq atom kompaniiasy» aktsionerlik qoǵamy basqarmasynyń tóraǵasy Asqar Jumaǵalievti qabyldady, - dep habarlaidy "Ult aqparat" Aqordaǵa silteme jasap.
Kezdesýde Elbasyǵa «Qazatomónerkásip» ulttyq atom kompaniiasy» aktsionerlik qoǵamy jumysynyń nátijeleri týraly esep berildi, sondai-aq jalpy atom salasyn damytý barysy jóninde málimet usynyldy.
Nursultan Nazarbaev atomdy beibit maqsatqa paidalaný máselesine jáne atom elektr stansalary jumysyndaǵy jahandyq úrdisterge nazar aýdardy.
Sondai-aq, A.Jumaǵaliev Qazaqstan Prezidentine ótken jyl qorytyndysy boiynsha kásiporynnyń josparlanǵan barlyq óndiristik jáne qarjylyq kórsetkishterge qol jetkizgenin baiandady. Kompaniianyń naqty tabysy alǵash ret 108 mlrd teńgeden asqan.
Budan bólek, Memleket basshysyna kásiporyndy transformatsiialaý baǵdarlamasynyń iske asyrylý barysy týraly málimdeldi. Odan 16 mlrd teńgeden astam ekonomikalyq paida túsken.
Elbasy «Qazatomónerkásip» ulttyq atom kompaniiasyn ártaraptandyrý jáne jańǵyrtý jónindegi jumystardy jalǵastyrý qajet ekenin aitty.
Kezdesý qorytyndysy boiynsha Nursultan Nazarbaev birqatar tapsyrma berdi.
.jpeg)