Memleket basshysy Arys qalasyn aralap shyqty, dep habarlaidy "Ult aqparat" Aqordaǵa silteme jasap.
Qalany ainalyp shyǵý barysynda Qasym-Jomart Toqaev oq-dári qoimasyndaǵy jarylys saldarynan qatty qiraǵan turǵyn úiler men ákimshilik nysandaryn aralap kórdi.
Qazaqstan Prezidentine evakýatsiia jumystarynyń barysy jáne jarylys oshaqtaryn toqtatyp, órtti sóndirý jóninde málimet berildi.
Memleket basshysy Ishki ister organdarynyń, Qorǵanys ministrliginiń, jergilikti atqarý organdarynyń qyzmetkerlerine rizashylyq bildirdi. Qasym-Jomart Toqaev bir kúnniń ishinde óte aýqymdy jumys atqarylǵanyn aitty jáne jumystardyń osy qarqynyn báseńdetpei, jalǵastyra berýdi tapsyrdy.
