Foto: Aqorda
Qasym-Jomart Toqaev eki el prezidentteriniń byltyr Qazaqstan men Armeniiaǵa jasaǵan saparlary ózara qarym-qatynasty jan-jaqty damytýǵa aitarlyqtai serpin bergenin atap ótti, dep habarlaidy Ult.kz.
"Sizdiń Astanaǵa alǵashqy resmi saparyńyz eki el arasyndaǵy yntymaqtastyqty odan ári nyǵaitý turǵysynan mańyzdy. Bizdiń armian halqy men Sizdiń memleketke degen qurmetimiz bólek", – dedi Prezident.
Qasym-Jomart Toqaev elimiz Beibitshilik týraly kelisim jobasy boiynsha kelissózderdiń aiaqtalyp, Erevan men Baký arasyndaǵy memleketaralyq qarym-qatynastyń jandanýyn qoldaitynyn jetkizdi.
Armeniianyń Syrtqy ister ministri qonaqjailyq tanytqany úshin rizashylyǵyn bildirdi.
"Biz Sizdiń eki el arasyndaǵy yqpaldastyqqa qatysty ustanymyńyzdy qoldaimyz", – dedi Ararat Mirzoian.
Kezdesý barysynda saýda-ekonomikalyq, investitsiialyq, kólik-logistikalyq, mádeni-gýmanitarlyq salalardaǵy ekijaqty bailanysty ilgeriletý perspektivasy qarastyryldy.
Qazaqstan Prezidenti otandyq biznes ókilderiniń Armeniiaǵa taýar tasymalyn 350 million dollarǵa deiin ulǵaitýǵa daiyn ekenin málimdedi.
