فوتو: اقوردا
قاسىم-جومارت توقاەۆ ەكٸ ەل پرەزيدەنتتەرٸنٸڭ بىلتىر قازاقستان مەن ارمەنيياعا جاساعان ساپارلارى ٶزارا قارىم-قاتىناستى جان-جاقتى دامىتۋعا ايتارلىقتاي سەرپٸن بەرگەنٸن اتاپ ٶتتٸ, دەپ حابارلايدى Ult.kz.
"سٸزدٸڭ استاناعا العاشقى رەسمي ساپارىڭىز ەكٸ ەل اراسىنداعى ىنتىماقتاستىقتى ودان ەرٸ نىعايتۋ تۇرعىسىنان ماڭىزدى. بٸزدٸڭ ارميان حالقى مەن سٸزدٸڭ مەملەكەتكە دەگەن قۇرمەتٸمٸز بٶلەك", – دەدٸ پرەزيدەنت.
قاسىم-جومارت توقاەۆ ەلٸمٸز بەيبٸتشٸلٸك تۋرالى كەلٸسٸم جوباسى بويىنشا كەلٸسسٶزدەردٸڭ اياقتالىپ, ەرەۆان مەن باكۋ اراسىنداعى مەملەكەتارالىق قارىم-قاتىناستىڭ جاندانۋىن قولدايتىنىن جەتكٸزدٸ.
ارمەنييانىڭ سىرتقى ٸستەر مينيسترٸ قوناقجايلىق تانىتقانى ٷشٸن ريزاشىلىعىن بٸلدٸردٸ.
"بٸز سٸزدٸڭ ەكٸ ەل اراسىنداعى ىقپالداستىققا قاتىستى ۇستانىمىڭىزدى قولدايمىز", – دەدٸ ارارات ميرزويان.
كەزدەسۋ بارىسىندا ساۋدا-ەكونوميكالىق, ينۆەستيتسييالىق, كٶلٸك-لوگيستيكالىق, مەدەني-گۋمانيتارلىق سالالارداعى ەكٸجاقتى بايلانىستى ٸلگەرٸلەتۋ پەرسپەكتيۆاسى قاراستىرىلدى.
قازاقستان پرەزيدەنتٸ وتاندىق بيزنەس ٶكٸلدەرٸنٸڭ ارمەنيياعا تاۋار تاسىمالىن 350 ميلليون دوللارعا دەيٸن ۇلعايتۋعا دايىن ەكەنٸن مەلٸمدەدٸ.
