Úndistannyń IndiGo áýe kompaniiasyna tiesili Deliden Chennaiǵa baǵyt alǵan ushaǵy jolaýshynyń paýerbanki órtengennen keiin Haidarabad qalasyna shuǵyl qonýǵa májbúr boldy, dep habarlaidy ult.kz.
Basylymnyń málimetinshe, 6E 6115 reisiniń salonynda bolǵan oqiǵadan keiin ushaq Radjiv Gandi atyndaǵy halyqaralyq áýejaiǵa baǵyttalǵan. Bortserikter jedel áreket etip, órtti sóndirgen.
Áýe kompaniiasy borttaǵy jaǵdai baqylaýǵa alynǵanyn jáne ushaqtyń áýejaiǵa aman-esen qonǵanyn habarlady.
Jolaýshylardy Chennai qalasyna jetkizý úshin qosymsha ushaq uiymdastyryldy. Reis kestesiniń buzylýyna bailanysty jolaýshylarǵa tamaq berilip, qajetti aqparat usynylǵan.
