Memleket basshysy Qasym-Jomart Toqaev jazýshy, dramatýrg Ánes Saraidyń otbasy men jaqyn týystaryna kóńil aitý jedelhatyn joldady. Bul týraly QR Prezidentiniń baspasóz hatshysy Berik Ýáli jelidegi paraqshasynda jazdy.
«Kórnekti jazýshy, aqyn, dramatýrg, Qazaqstannyń eńbek sińirgen qairatkeri, Memlekettik syilyqtyń iegeri Ánes Tólendiuly Saraidyń dúnieden ótýine bailanysty kóńil aitamyn. Qarymdy qalamger respýblikalyq gazetter men baspada jáne Qazaqstan Jazýshylar odaǵynda eńbek sińirdi. Uzaq jylǵy shyǵarmashylyq jolynda tarihi, ádebi-zertteý týyndylaryn tartý etti. Marqumnyń jany jánnatta, imany salamat bolsyn», – delingen kóńil aitý jedelhatynda.
Jazýshy, dramatýrg Ánes Sarai Ulttyq panteonda jerlenetin boldy.
Aita keteiik, keshe qabyrǵaly qalamger, Memlekettik syilyqtyń iegeri Ánes Sarai ómirden ozdy.
